能得利 tic tac糖斗抽水饮食品牌抽乾东江水大合集_B派生活

能得利 tic tac糖斗抽水饮食品牌抽乾东江水大合集

作者：
2020-08-01
103人已阅读

呢几日能得利、 tic tac糖等饮食品牌，大玩real -time marketing，即抽水，个个争着做靓抽王。神抽者能够为公司增取更多likes，最紧要是顺势低成本宣传自己！不过搵食艰难，抽水唔止讲创意，仲要赶流行！正所谓抽得快好世界，抽迟一天都嫌慢。今日新鲜滚热辣就有「反手摸肚脐能得利」，加上之前 tic tac糖为香港足球抱不平之作，更有抽明星水的「污糟手拿住Jolly Shandy」等，不过是否个个靓抽就见人见智嘅！

1. 反手摸肚脐能得利

近日兴起反手摸肚脐热潮，事源有美国研究结果指出：只要反手摸到肚脐就是好身材！热潮一起就引起很多女网友仿效自拍，show off蛇腰，如中国女星杨幂之前将成功挑战的自拍照在微博分享，顺便炫腹。

能得利都唔执输，今日中午在Instagram来一张反手拿住能得利摸肚脐，仲话：「我就摸唔到喇, 不过有咗佢就”摸肚脐能得利”啦! 」兼附加好多hashtags。短短半日累积近500 likes 。

抽水讲秒杀，可能因为咁搵唔切李光洙同鲁芬挑机了。

2.Tic Tac糖、m&m朱古力彩虹反击

事源9/6 中国足协出宣传海报揶揄港队「有层次」(有黑、黄、白皮肤)，香港足总即刻又出番风格类似的海报反击，显示「唔好比人睇死」的决心。

能得利 tic tac糖斗抽水饮食品牌抽乾东江水大合集

Tic Tac 糖「唔好比人睇小」

Tic Tac 糖同日即刻有反应，黎个靓抽，在Facebook专页发放一张设计相似的海报，配上类似Slogan：唔好比人睇小！我哋呢班Tic Tac，有白色、有黄色、有粉红、有橙色，目标都係想为大家带嚟Fun味，记得撑我哋啦！

截至今日已累积3,000几个likes，嬴得不少港人共鸣。

m&m「比啲顔色人睇」

m&m都不输蚀，迟过Tic Tac糖一日咁多，在10/6出抽水post，同样得到3000几个likes，成绩仲高Tic Tac糖少少添！

3.污糟手拿住罐Jolly Shandy

平时一向有抽开水的Jolly Shandy，抽水作如最新的侏罗纪和武则天，但最一抽成名的一定是5/6抽刘浩龙水的一次，更被网民誉为广告史上最快而準抽水之作，附带caption：「我头先去食碗麵，对面坐咗位人兄只手係咁嘅（当然要夸张小小啦）。我无对呢双污糟嘅手投降，我只係买咗罐冻饮，帮佢开埋，希望佢可以纾解工作压力。Happy Friday，生活不易啊！」，和刘浩龙4/6在Instagram上载的相片和留言好似。分别在于Jolly Shandy话「无对呢双污糟嘅手投降」，而刘浩龙就被网民负评，话佢嫌三嫌四零尊重；而Jolly Shandy拨乱反正发放正能量，赢得网民神抽美誉。

最抵死是该抽水图文的like比本身Jolly Shandy专页( 17000 likes )的多近一倍，有32,000多。好多网民都话因为抽中心声，要买返罐支持下。而就算唔帮衬的，都会因为突然一抽，令大家脑海对Jolly Shandy这个名又多份印象，抽水性宣传果然坚！

Jolly Shandy11/6最新抽刚上影的侏罗纪世界电影，不过成绩就远远不及抽刘浩龙水的篇了，只有近400 likes。所以话抽水难在唔係下下都深入民心。

4.可惜嘉士伯唔搞猪肉档

Jolly Shandy的母公司嘉士伯都是爱抽水品牌之一。上月中抽立法会议员王国兴提倡把猪肉佬改为「肉类分割技术员」的水，事发几日内出了一篇「可惜嘉士伯唔搞猪肉档」。在其Facebook专页所见，也录得近3,000 likes不错的成绩。

而且不少网民留言讚靓抽，嘉士伯回覆「唔跟得贴, 点做probably the best sunglasses emoticon」，果然识宣传。

5.Snickers「肚饿语录」为民发声

继2012年美国Snickers 完全信任李香琴这个代言人，搏得大家关注后，今年的花臣是摆明车马抽尽政客艺人水，全为得到大家的共鸣咁话。在香港在巴士站和港铁站刊登名为「肚饿语录」的广告，其实就是一些深入民心的政客艺人讲错野经典名句。艺人方面，紧係唔少得比人笑到下世纪的连诗雅版「Rest in Piece」，抽水抽得咁尽，看来Snickers 真係好够胆色，唔惊得罪全宇宙。