暖笠笠滋润美颜懒人包Dining娜

  • 作者:
  • 2020-07-16
  • 634人已阅读
(Presented by鸿福堂)

暖笠笠滋润美颜懒人包Dining娜

今个圣诞同班好姊妹喺屋企搞Xmas party!不过次次开party都饮酒或者汽水,对于我呢啲国际级吃货嚟讲,间唔时都要唞唞,想尽兴得嚟又健康!所以今次特别準备咗鸿福堂嘅滋润美颜汤水同饮品做party主打,介绍俾大家嚟个冬天滋补派对!

暖笠笠滋润美颜懒人包Dining娜
鸿福堂分别有滋润美颜嘅汤水、饮品同甜品,仲係自然无添加味精及防腐剂,够晒窝心又养生!

 

冬天最啱饮滋补汤水

好多女人一到冬天就会手冻脚冻,计我话…四时养生真係好重要!鸿福堂嘅汤包有唔同功效,啱晒要求多多嘅你。

想滋养补身嘅就有金华火腿冬菇炖鱼唇汤,其实鱼唇本身有丰富胶质,好啱啲脾胃虚、皮肤容易乾同痕嘅人。啖啖鱼唇同冬菇,鲜甜得嚟又易入口;而椰子花胶雪耳竹丝鸡汤就啱晒吸收力比较弱,同埋头髮、皮肤都乾嘅人,因为竹丝鸡益气养血,加埋花胶、雪耳、玉竹呢,就更加润肺益胃同滋润养颜,冬天都唔怕乾呀。汤入面仲有椰子附料,咬落有阵阵香味添~

另外无咩胃口、气血唔足就可以饮黑松露花胶象拔蚌响螺汤;面色暗哑、瞓得唔好就啱饮虫草花淮杞花胶鸡汤!款款都咁滋补,加热就饮得,悭水悭力,质素拍得住阿妈啲靓汤呀!

暖笠笠滋润美颜懒人包Dining娜
四季保健汤包[金华火腿冬菇炖鱼唇汤(附汤料)、椰子花胶雪耳竹丝鸡汤(附汤料)、黑松露花胶象拔蚌响螺汤(附汤料)、虫草花淮杞花胶鸡汤]
暖笠笠滋润美颜懒人包Dining娜
金华火腿冬菇炖鱼唇汤(附汤料)
暖笠笠滋润美颜懒人包Dining娜
椰子花胶雪耳竹丝鸡汤(附汤料)
暖笠笠滋润美颜懒人包Dining娜
虫草花淮杞花胶鸡汤

 

方便好味嘅滋补饮品

讲到方便呢就一定係滋补饮品,一扭开樽盖就饮得,得闲饮两啖桑椹桂花红枣茶,入口酸酸甜甜咁,补血又开胃!但讲到我最锺意都係花胶冰糖雪耳甘露同燕窝莲子百合蛋白奶露,传统花胶同燕窝糖水都可以拎起随时饮,而且有晒材料喺入面。想加热嚟饮又得,摇两摇再饮更加爽呀!总之,随你口味,随你欢喜!

暖笠笠滋润美颜懒人包Dining娜
花胶冰糖雪耳甘露、燕窝莲子百合蛋白奶露
暖笠笠滋润美颜懒人包Dining娜
桑椹桂花红枣茶

 

大堆女士恩物甜品

如果要拣女士必饮呢,我一定拣四物红枣鸡蛋糖水,好多人都唔知四物係咩,今次我索性搵埋四物出嚟俾大家睇!分别有熟地、当归、白芍同川芎,唔好睇见药材就怕,其实个味一啲都唔苦,好多生完bb或者手脚冰冻嘅人都会饮,帮助补血调经、行气活血!

暖笠笠滋润美颜懒人包Dining娜
四物红枣鸡蛋糖水(四物:熟地、当归、白芍,川芎)

以后开party记得考虑下我嘅建议喇,边开心边补身呀!